«Այդպիսի մի նախագիծ մենք ներկայացրինք, և ԱԺ-ում մեծամասնությունը դեմ էր այդ նախագծին: Որպեսզի նախագիծը շրջանառությունից դուրս չմնար, մենք էլ ստիպված հետաձգեցինք նախագծի քվեարկությունը»,- Մարտի 1-ի զոհերի ընտանիքների փոխհատուցման նախագծի վերաբերյալ հարցին պատասխանեց ԱԺ ՀԱԿ խմբակցության պատգամավոր Գագիկ Ջահանգիրյանը:
Նա նշեց, որ Մարտի 1-ի բացահայտման համար քաղաքական կամք է պետք, իսկ մինչև հիմա դա չի նկատել պատկան մարմինների մոտ: Ոչ թե այն պատճառով, որ նրանք վատ պրոֆեսիոնալներ են, այլ այդ հանցագործության բացահայտման համար քաղաքական որոշում է պետք, ինչը մինչև հիմա չկա:
«Այդ քաղաքական կամքի բացակայության վկայությունն է այն, որ դեպքերից անցել է 6,5 տարի, և առնվազն 10 սպանություններից, մի քանի 100 մարմնական վնասվածքներ հասցնելու դեպքերից ոչ մեկը բացահայտված չէ»,- հավելեց Գ. Ջհանգիրյանը: