Երկշարժիչանի SH36 օդանավը, որը բեռնատար չվերթ էր իրականացնում FedEx փոստային ընկերության համար, Կարիբյան ծովում կործանվել է: Օդաչուներից մեկը զոհվել է, մյուսն անհետ կորել: Այս մասին հայտնում է RIA Novosti-ն:
Օդաչուներից մեկի մարմինը հայտնաբերվել է Սուրբ Մարտինի կղզու նիդերլանդական ափին: Կղզու մյուս մասը համարվում է ֆրանսիական անդրծովյան տարածք:
Երկրորդ օդաչուի որոնումները շարունակվում են հոլանդացի նավաստիների և ֆրանսիացի կամավորների մասնակցությամբ: Տեղի իշխանությունները հետաքննություն են անցկացնում: Նրանց կօգնեն փորձագետներ ԱՄՆ-ից, որտեղ SH36 օդանավը գրանցված է եղել, և Մեծ Բրիտանիայից, որտեղ այն արտադրվել է:
Չորեքշաբթի երեկոյան, երբ տեղի է ունեցել վթարը, օդանավը թռչելիս է եղել Պուերտո Ռիկո: