Դեղորայքային հակաբիոտիկները, որոնք դրական ազդեցությունից բացի՝ երբեմն անցանկալի կողմնակի ազդեցություններ են ունենում, երբեմն կարելի է փոխարինել բնական հակաբիոտիկներով: Բնական հակաբիոտիկները հակացուցումներ չունեն, դրանք չեն վնասում, հիանալի առողջարար ազդեցություն են թողնում և դեղորայքներից ավելի էժան են՝ գրում է marketium.ru-ն:
Բնական լավագույն հակաբիոտիկների հնգյակ մեջ են մտնում ծովաբողկը, լոռամրգին, սխտորը, ռեհանը և կապույստ հապալասը:
1. Ծովաբողկ
Այս բույսի արմատում պարունակվում է էնզիմ և մանանեխի յուղ: Եթե ծովաբողկի արմատը մանրացվի, ապա այդ նյութերը թթվածնի ազդեցության տակ կխառնվեն, որի արդյունքում կձևավորվի ալլիլիզոտիոցիանատ, որը բնական հակաբիոտիկ է: Այս միացությունը հաջողությամբ պայքարում է բերանի խոռոչի և քթի բակտերիաների դեմ:
Ծովաբողկի և մեղրի խառնուրդով կարելի է բուժել նաև տրախեիտը, բրոնխիտը, խրոնիկական հազը: Իսկ թրմած ծովաբողկի օգնությամբ բուժում են ցիստիտը:
2. Լոռամրգի
Այն ունի հակավիրուսային և հակաբիոտիկային հատկություններ և հիանալի հակաօքսիդանտ է: Լոռամրգին պաթոգեն բակտերիաներից մաքրում է միզապարկը և միզուղիները: Այն անփոխարինելի է նաև մրսածությունը բուժելու ժամանակ:
3. Սխտոր
Սխտորը դուրս է բերում աղիքային պարազիտներին, ոչնչացնում բակտերիաներն ու վիրուսները, իջեցնում ճնշումը և կանխում տրոմբոզը: Այս բույսը հակաօքսիդանտ հատկություններով է օժտված և կանխում է քաղցկեղային հիվանդությունները: Սխտորի մեկ պճեղը 400 օգտակար միացություններ է պարունակում: Սխտորով բուժում են դիֆտերիան, խոցային հիվանդությունները, տուբերկուլյոզը և այլ հիվանդություններ:
4. Ռեհան
Ռեհանը մեկ այլ բնական հակաբիտոիկ է: Ունի ախտահանիչ և մանրէասպան հատկություններ և օրգանիզմը պաշտպանում է տարբեր վարակներից:
Ռեհանի թուրմը օգնում է անգինայի, գլխացավի և կոնյուկտիվիտի ժամանակ:
5. Կապույտ հապալաս
Այս բույսի պտուղները պարունակում են բնական ասպիրին, որը օգնում է պայքարել խրոնիկական բորբոքային պրոցեսների դեմ:
Հապալասը գործում է դեղորայքային հակաբիոտիկների նման, մաքրում միզուղիները՝ չթողնելով, որպեսզի դրանք տարածվեն օրգանիզմում:
Նախազգուշացում. այս բույսերը իսկական հակաբիոտիկներին չեն փոխարինում: Դրանցով ինքնաբուժումը վտանգավոր է: Անհրաժեշտ է խորհրդակցել բժշկի հետ:
