Երկրի բնակչությունն առավելագույն քանակի՝ 9,4 մլրդ մարդու կհասնի մոտավորապես մինչև 2070 թ., իսկ մինչև ընթացիկ հարյուրամյակի վերջը կնվազի մինչև 9 մլրդի: Այսպիսի թվեր են ներկայացված Կիրառական համակարգային վերլուծության միջազգային ինստիտուտի (Ավստրիա) 550 փորձագետների ստեղծման գրքում: Կանխատեսումը հաշվի է առնում բնակչության կրթության փոփոխությունները և ծերանալը, հայտնում է Lenta.ru-ն:
Հեղինակներն առաջին անգամ մոլորակի 195 երկրների ապագա բնաչությունը հաշվել են ոչ միայն ըստ սեռի և տարիքի, այլև կրթության մակարդակով: Ժողովրդագիրների կարծիքով՝ վերջին գործոնը շատ առումներով որոշիչ է: Աշխարհի բնակչության կրթության մակարդակի արագ բարձրացման սցենարի դեպքում Երկրի բնակիչների թվի աճը մինչև 2100թ. կհասնի առավելագույնը 8 մլրդի, հետո կանգ կառնի: Հակառակ դեպքում կարելի է սպասել առավելագույն 10 միլիարդի: Միջին սցենարը 9 մլրդ արդյունք է տվել:
«Երբ կանայք ավելի կրթված են դառնում, նրանք վերարտադրողական որոշումներ ընդունելու և սեփական ընտանիքի չափը որոշելու ավելի մեծ իշխանություն են ստանում: Գործնականում դա գրեթե միշտ նշանակում է ավելի քիչ երեխաներ»,- ասել է նախագծի ղեկավար Վոլֆգանգ Լուտցը:
Գրքի հեղինակները նաև կարծում են, որ բնակչության ծերացման ներկայիս միտումը, որն ակնհայտ է Ճապոնիայում և Արևմտյան Եվրոպայի երկրներում, կլինի մոլորակի այլ շրջաններում ևս:
