Արարատի մարզի Վեդի քաղաքի բնակչուհի Արուսյակ Գրիգորյանն այսօր եկել էր կառավարության մոտ՝ իր բողոքը բարձրաձայնելու:
Նա պատմեց, որ 26 տարի աշխատել է Վեդիի կենցաղսպասարկման կոմբինատում, սեփականաշնորհման գործընթացի ժամանակ տնօրեն Արթուր Սարգսյանն ասել է, որ ինքը պետք է անի այդ գործարքը: Արդյունքում Արուսյակ Գրիգորյանը 30 տոկոսով սեփականատեր է դարձել, սակայն տնօրեն Արթուր Սարգսյանը ձգձգել է: «20 տարի բողոքել եմ: Սկզբում խաբեց, հետո սկսեց չտալ, հիմա էլ ասում է՝ ուր ուզում ես գնա, բոլորն էլ իմ սեղանի ընկերներն են, ոչինչ չես կարող անել»,- ասաց Վեդիից եկած կինը՝ հավելելով, որ 20 տարի բողոքել է, էլ տեղ չի մնացել, որ չի գնացել:
Նրա խոսքով՝ Արթուր Գրիգորյանը վերջերս դարձել է փաստաբան: «Հիմա էլ կոլեգիայի հետ վճիռ է ձևակերպել, իբր՝ նամակ են ուղարկել, ես չեմ ստացել, ինձ ընկերությունից հեռացրել են: Հիմա հարցը վճռաբեկում է, եթե վճռաբեկն էլ աչք փակի, մինչև Եվրադատարան կգնամ»,- հավելեց նա:
Ավելին՝ տեսանյութում: