Արդեն հայտնի է, որ այսօր կեսօրին Երևանի Սարալանջ փողոցի վրա հնչած կրակոցներից տուժածը 1993թ-ին ծնված Լևոն Արամի Հարությանյանն է, ով «Շարլոտ» գիշերային ակումբի սեփականատիրոջ որդին է: 21-ամյա Լևոն Հարությունյանի ուղղությամբ արձակված կրակոցների պատճառը նախօրեին նրա և երևանյան քրեական մի հանցախմբի միջև նախօերին ունեցած միջադեպն է, որին ի պատասխան էլ, որպես զգուշացում հնչել են այսօրվա կրակոցները: Չի բացառվում, որ այսօրվա միջադեպը շարունակություն ունենա:
«Փաստինֆո»-ի տեղեկություններով Լևոն Հարությունյանն ինքն է եղել իր Range Rover մակնիշի ավտոմեքենայի ղեկին, որի վրա էլ հայտնաբերվել են հրազենի կրակոցի հետքեր:
Դեպքի վայրում իրավապահների կողմից հայտնաբերվել է1 գնդակ և 5 պարկուճ, ևս 1-ն էլ նախաքննական մարմնին է ներկայացրել վիրավորվածի հայրը` գտնելով այն որդու շորերի միջից:
ՀՀ քննչական կոմիտեից մեզ հայտնեցին, որ դեպքի վայրի զննության աշխատանքները այս պահին էլ դեռ չեն ավարտվել: Երևան քաղաքի քննչական վարչության Կենտրոնի քննչական բաժնում նախապատրաստվում են նյութեր: Նշանակվել են փորձաքննություններ: