«Ալ-Քաիդա» խմբավորումը «Իսլամական պետությանը» կոչ է արել ազատել առևանգված բրիտանացի Ալան Հենինգին, քանի որ նրան համարում է անմեղ սոցիալական աշխատող, ով իսկապես փորձել է օգնել մուսուլմաններին՝ գրում է The Independent-ը:
Ինչպես նշում է թերթը, տաքսիստ Հենինգն այնքան էր ցնցված Սիրիայում մուսուլմանների ծանր վիճակով, որ որոշել էր հրաժարվել կնոջ ու երկու երեխաների հետ անցած Սուրբ ծննդյան տոնակատարություններն անցկացնելուց և բուժտեխնիկա էր մատակարարել Ալ-Դանա քաղաքի փախստականներին:
Նրա առևանգումից 4 օր անց «Ալ-Քաիդայի» տեղի հրամանատարներից մեկը հանդիպել էր «Իսլամական պետության» դաշնակիցների հետ և հայտարարել, որ «Իսլամական պետության» գրոհայինների գործողությունները արդյունավետ չեն՝ ասվում է հոդվածում: Այս մասին պարբերականին հայտնել է ամերիկացի կինեմատոգրաֆիստ Բիլալ Աբդուլ Քարիմը, ով ռեպորտաժներ է պատրաստել Սիրիայից:
The Telegraph-ն իր հերթին գրում է, որ Հենինգին առևանգել են սիրիական սահմանը հատելուց կես ժամ անց: