Apple ընկերությունը ստուգումներ է անցկացնում այն դեպքի առնչությամբ, որի հետևանքով համաշխարհային աստղերի ինտիմ լուսանկարներ են հայտնվել համացանցում: Փաստի առթիվ հետաքննություն է սկսել Հետաքննությունների դաշնային բյուրոն:
Ցանցահենը, որը համացանցում է տեղադրել շոու-բիզնեսի աստղերի լուսանկարները, հայտարարել է, որ իր կոտրած ցանկում կան հարյուրավոր մարդիկ:
Նախնական տվյալների համաձայն՝ ցանցահենները կոտրել են հայտնիների օգտահաշիվները iCloud ամպային «ծառայությունում», հայտնում է CNN-ը:
Հետագա մեկնաբանություններից բյուրոն հրաժարվել է: Մինչ այդ ցանցահենը, որը աստղերի ինտիմ լուսանկարները տեղադրել է համացանցում, հայտարարել է, որ ինտիմ վիդեո ունի դերասանուհի Ջենիֆեր Լոուրենսի մասնակցությամբ: Նա խոստացել է այն հրապարակել, եթե ինտերնետ օգտատերերն իր հաշվին PayPal-ի միջոցով գումար փոխանցեն:
«Ես գիտեմ, որ ինձ ոչ ոք չի հավատում, սակայն ես ունեմ կարճ վիդեո Լոուրենսի մասնակցությամբ: Ճիշտ է, այն շատ կարճ է՝ 2 րոպեից քիչ ավելի, ու դրա վրա երևում է միայն նրա կուրծքը, սակայն ամեն դեպքում, եթե ինչ-որ մեկը այն ցանկանում է դիտել, ինձ տեղյակ պահեք»,- Daily Mail-ը մեջբերել է ցանցահենի հաղորդագրությունը:
Ցանցահենի մասին այնքան էլ շատ բան հայտնի չէ, հայտնի է նրա կեղծանունը՝ OriginalGuy: Ըստ Daily Mail-ի, նա փախուստի է դիմել, մինչ նրանով կհետաքրքրվեին իրավապահները:
Կիբեռհանցագործի խոսքով՝ ինքը որոշել է «փոխել բնակության վայրը»:
