Ամերիկյան ռազմական վերլուծաբանների գնահատումներով, ԱՄՆ-ի համար ԻԼԻՊ-ի գրոհայինների դեմ ռազմական գործողության արժեքը 3 շաբաթում կազմել է 100 մլն դոլար, հաղորդում է vestifinance.ru-ն։
Ռազմական թեմատիկայով ամերիկյան մի շարք պորտալներ, մասնավորապես՝ Dodbuzz-ը և Breakingdefense-ը, բերում են Ռազմավարական և բյուջետային ծախսերի կենտրոնի (Center for Strategic and Budgetary Assessments, CSBA) պաշտպանական ծախսերի փորձագետ Թոդ Հարիսոնի մեկնաբանությունները։
Հարիսոնի կարծիքով՝ անցած 3 շաբաթվա ընթացքում Իրաքում ԻԼԻՊ գրոհայինների դիրքերին հասցված հարվածների սկզբից ծախվել է «մոտավորապես 100 միլիոն դոլար»։
«Դրանք խիստ մոտավոր գնահատականներ են, հաշի առնելով այն, թե որքան քիչ մանրամասներ են հայտնի այդ գործողության մասին։ Ես կասեի, որ ծախսերը կարող են կազմել մոտ 100 մլն դոլար։ Ծախսերի հիմնական մասը բաժին է ընկնում հետախուզական թռիչքներին։ Ընդհանուր գումարն առայժմ այնքան մեծ է, հատկապես հաշվի առնելով այն, որ 2014-ին Պենտագոնը նախատեսում էր 800 մլն դոլար ծախսել Իրաքում ռազմական նպատակներով, որոնք կապված չեն տվյալ գործողության հետ։ Դրանից բացի, Աֆղանստանում ծախսերի ծավալը շաբաթական 1,3 մլրդ դոլար է։ Այնպես որ, առայժմ տվյալ գործողության արժեքը համեմատաբար մեծ չէ»,- ասել է Հարիսոնը։
