Ուրուգվայում սկսվել է նախագահական քարոզարշավը, իսկ դա նշանակում է, որ երկրի ներկայիս նախագահ Խոսե Մուխիկան շուտով կլքի իր պաշտոնը: Իր ասկետիզմով և արմատական բարեփոխումներով հայտնի նախագահը կաթոլիկ պահպանողական Ուրուգվայրը վերածեց սոցիալական լիբերալիզմի հենարանի:
Ուրուգվայի նախագահ Խոսե Մուխիկան, որին անվանում են նաև Պեպե, հայտնի է որպես «աշխարհի ամենաաղքատ նախագահ»: Հրաժարվելով աշխատավարձից և նախագահական նստավայրից՝ նա միանգամից վաստակեց ժողովրդի հարգանքը, բայց չկանգնեց դրա վրա: Մի շարք արմատական բարեփոխումները Ուրուգվային դուրս բերեցին զարգացած երկրների շարք: Հենց Պեպեն, որն իր կարիերան սկսել էր պարտիզանական ստորաբաժանումում, նշում է, որ իրեն աղքատ անվանող մարդիկ հավանաբար հասկանում են հարստության էությունը:
«Ես ամենաաղքատ նախագահը չեմ: Ամենաաղքատը նա է, ում կյանքում չափից ավել է պետք: Իմ կենսակերպը իմ վերքերի հետևանքն է: Ես իմ պատմության որդին եմ: Նախկինում ես ինձ աշխարհի ամենաերջանիկ մարդն էի զգում, որովհետև ուղղակի ներքնակ ունեի»,- ասել է նա: