Դուբլինում «սարդ մարդը» բռնել էր փողոցային գողին, երբ վերջինս փորձել է տանել իր փողերը: «Գերհերոսը» մի քանի րոպե պահել է գողին գետնին և թույլ չի տվել, որ հեռանա, քանի դեռ դեպքի վայր չի ժամանել ոստիկանությունը:
Lovin Dublin-ը հաղորդում է, որ գողը փորձել է գողանալ Գրաֆոն-սթրիթում կանգնող դերասանի գումարը: Սարդ մարդու դերակատարը որոշել է, որ գողն այդքան հեշտ չի ազատվի, և սկսել է նրա հետ հարվածներ փոխանակել:
Ըստ The Independent-ի՝ երկու մասնակիցներն էլ ձերբակալվել են և հետագայում ազատ արձակվել: Դեպքի տեսագրությունը հայտնվել է YouTube-ում:
Բրիտանական պարբերականը Հոլիվուդին խորհուրդ է տալիս ուշադրություն դարձնել տեսագրությանը՝ տաղանդավոր դերասանին ֆիլմում ներգրավելու համար: