«Նինձյա-կրիաներ» ֆիլմի նոր պաստառը, որի թողարկումն Ավստրալիայում նշանակված է սեպտեմբերի 11-ին, լուրջ սկանդալի պատճառ է դարձել: Այս մասին հայտնում է Daily News-ը:
Պաստառի վրա պատկերված են 4 սուպերհերոսներ, որոնք ընկնում են նյույորքյան պայթող երկնաքերից: Օգտատերերը պաստառի վրա տեսել են հղում Նյու Յորքում 2001 թ. սեպտեմբերի 11-ի ահաբեկչությանը:
Պաստառը հրապարակվել է երեքշաբթի օրը Paramount Australia-ի Twitter-յան պաշտոնական էջում, նաև ստուդիայի Facebook-յան էջում, բայց սոցցանցերում դժգոհություններից հետո ստուդիան այն հեռացրել է:
«Մենք խորապես ցավում ենք, որ այդ պաստառն եք օգտագործել մարքեթինգային նյութերի համար: Այդ պատկերի համադրությունն այդ թվի հետ սխալ էր: Արդեն անհապաղ միջոցներ են ձեռնարկվել, որպեսզի պաստառի օգտագործումը դադարեցվի»,- նշել են Paramount Australia-ի ներկայացուցիչներն ու հեռացրել այն:
