ՌԴ Պետդումայի պաշտպանության հանձնաժողովի նախագահի տեղակալ Ֆրանց Կլինցևիչը անհիմն է համարում ԱՄՆ պետդեպարտամենտի հերթական հայտարարությունները ռուսական տարածքից Ուկրաինայի գնդակոծման մասին, հաղորդում է RIA Novosti-ն։
Կլինցևիչը հայտարարել է, թե ԱՄՆ-ը «ստում է ակնհայտ բաներ»։
Պատգամավորի խոսքով՝ տիեզերական արբանյակներից արված լուսանկարները բավարար չեն Ռուսաստանին Ուկրաինայի տարածքի գնդակոծման մեջ մեղադրելու համար, որովհետև նման պնդման համար անհրաժեշտ են նաև ուրիշ համակարգերի տվյալներ։
«Այսօր ամերիկացիների խոսակցությունները պարզապես անապացուցելի է»,- նշել է Կլինցևիչը։ Պատգամավորը հավելել է, որ ինքը չունի «այնպիսի տեղեկություն, որ մերոնք գնդակոծել են մեր տարածքից»։
Ավելի վաղ ԱՄՆ-ը հրապարակել էր լուսանկարներ արբանյակից՝ մեղադրելով Ռուսաստանին Ուկրաինայի գնդակոծման համար։
