Ադրբեջանական APA լրատվական գործակալության փոխանցմամբ՝ Իրանի պաշտպանության նախարար, գեներալ Ահմադ Վահիդին հայտարարել է, որ իրենք շարունակում են ջանքեր գործադրել՝ վերծանելու մեր կողմից Իրանի արևելքում՝ Աֆղանստանի սահմանից 225 կիլոմետր հեռավորության վրա խփված ամերիկյան Կենտրոնական հետախուզական վարչության (ԿՀՎ) RQ-170 ինքնաթիռի գաղտնի ծածկագրերը:
Նա հայտարարել է, որ նպատակահարմար չի համարում այդ կապակցությամբ հասարակությանը տեղեկատվության տրամադրումը: Վահիդին նաև մեկնաբանել է Ռուսաստանի կողմից Իրանին ընդհանուր 800 միլիոն դոլարի С-300 5 զենիթա-հրթիռային համալիրներ վաճառելուց հրաժարվելը, ինչը պետք է տեղի ունենար մի քանի տարի առաջ կնքված պայմանագրի հիման վրա.
«Ներկայումս այդ հարցը շարունակում է մնալ վիճելի Իրանի ու Ռուսաստանի միջև: Կողմերը շարունակում են քննարկել հարցի լուծման ուղիների փնտրտուքը»:
