Այսօր` հուլիսի 21-ին, արտակարգ պատահար է տեղի ունեցել Արարատի մարզում: Այս մասին հայտնում է News.armeniatv.com-ը` հղում անելով ֆոտոլրագրող Գագիկ Շամշյանին:
Ժամը 18.40-ի սահմաններում Մասիս քաղաքում գտնվեղ «Մասիս Տոբակո» գործարանի դիմաց մասնակիորեն այրվել է 3 մեքենա:
Մասնավորապես, մասնակիորեն այրվել է «Մերսեդես Ցե 180» մակնիշի 71 ՏՏ 071 համարանիշի, «Մերսեդես Ե» մակնիշի 71 ՏՏ 007 համարանիշի և «Սուզուկի» մակնիշի 18 ՏՕ 897 համարանիշի ավտոմեքենաները:
Դեպքի վայր է մեկնել ՀՀ Արտակարգ իրավիճակների Արարատի մարզի փրկարար վարչության Մասիս քաղաքի հրշեջ-փրկարարական ջոկատի մեկ մարտական հաշվարկ:
Գ. Շամշյանը հայտնել է, որ բարեբախտաբար, զոհեր և վիրավորներ չկան: Նախնական տվյալներով՝ հրդեհի պատճառը եղել է «Մերսեդես Ցե 180»-ի բենզաբաքի պայթյունը:
