Իրանական IRNA գործակալությունն օրերս լուր էր տարածել, որ Նորդուզի շրջանում (Իրան) ազատ առևտրի գոտու ստեղծման մասին համաձայնագիր են ստորագրել Իրանի ազատ տնտեսական գոտու կազմակերպության ղեկավար Սադեք Սուրիք Նաջաֆին և Սյունիքի մարզպետ Սուրեն Խաչատրյանը: Ըստ գործակալության՝ ազատ առևտրի գոտուց բացի՝ Նորդուզում բացվելու է նաև սահմանային շուկա:
ՀՀ էկոնոմիկայի նախարար Տիգրան Դավթյանն «Առաջին լրատվական»-ի հետ զրույցում հայտարարեց, որ ներկայում կառավարության ջանքերով ձևավորվող ազատ տնտեսական գոտիների հետ այս իրանական ազատ գոտին կապ չունի և, ընդհանրապես, քիչ տեղեկություն ունի այդ գոտու վերաբերյալ:
«Այն ազատ տնտեսական գոտիները, որ հիմա ձևավորում ենք Մարս գործարանում և Զվարթնոցում, դա այդ դաշտում չի քննարկվում: Ես այդ տեղեկատվությունը մամուլից ստացա: Ենթադրում եմ, որ կլինի Սադախլոյի նման ինչ-որ բան»,- ասաց Տ.Դավթյանը:
