Ֆրանսիական Անժի քաղաքը, որը Պլանտագենետների դինաստիայի հայրենիքն է, Մեծ Բրիտանիայից պահանջել է Էդուարդի` Ուորիկի 17-րդ դուքսի սպանության համար փոխհատուցում վճարել: Այդ պետիցիան, որը պահանջում է քաղաքին վերադարձնել թագավորական զարդերը, հրապարակված է Անժիի պաշտոնական կայքում:
25-ամյա Էդուարդ Պլանտագենետը գլխատվել է Թաուերում` Հենրիխ 7-րդ թագավորի հրամանով, որը Թյուդորների դինաստիայի հիմնադիրն է: Երիտասարդը եղել է գահի թեկնածու, և նրա մահով դինաստիայի արական ճյուղը դադարել է գոյություն ունենալ:
Անժիում դքսի գլխատումը պետական հանցագործություն է համարվում:
Թագավորական զարդերը ֆրանսիական քաղաքը մտադիր է ցուցադրել Սեն-Օբին աբբայությունում: Հիմա թագն ու իշխանության այլ ատրիբուտներ գտնվում են Թաուերի թանգարանում:
Ինչպես հաղորդում է The Daily Mail-ը` պետիցիան արդեն ստորագրել են հարյուրավոր մարդիկ: Անժին նախատեսում է պետիցիայի հիմնական տեքստը Եղիսաբեթ թագուհուն ուղարկել սեպտեմբերին, երբ քաղաքում տեղի կունենա ամենամյա մշակութային փառատոն:
Անժիի քաղաքապետարանի մամլո խոսնակը նշել է, որ պետիցիան հաջողության քիչ հնարավորություն ունի, սակայն անգլիացիների հանցագործության վրա պետք է ուշադրություն գրավել:
