Սիրիական կառավարական բանակի հրամանատարության ներկայացուցիչը հուլիսի 13-ին Թորմսեխ գյուղի իրադարձությունների նոր տարբերակն է ներկայացրել, որտեղ տեղի բնակիչների տեղեկացմամբ հուլիսի 12-ին սպանվել է մոտ 200 մարդ:
Ինչպես հաղորդում է Agence France-Presse-ը, պաշտոնական Դամասկոսը իր վրա է վերցրել Թրոմսեսխում տեղի ունեցած օպերացիայի պատասխանատվությունը, սակայն ընդգծել է, որ բոլոր սպանվածները ահաբեկիչներ են և հանցագործներ, իսկ զոհերի թվում խաղաղ բնակիչներ չկան:
Հուլիսի 13-ի առավոտյան պաշտոնական դիրքորոշումն այսպիսին էր. Թերմսեխում խաղաղ բնակիչներին սպանել են քաղաք “ներխուժած հանցագործները”:
Համաձայն նոր վարկածի՝ զորքերը քաղաքում հատուկ օպերացիա են իրականացրել, որի ընթացքում տասնյակ ահաբեկիչներ սպանվել են և ձերբակալվել, հայտնաբերվել է մեծ քանակությամբ զենք, զինամթերք և փաստաթղթեր`ներառյալ թուրքական անձնագրեր:
Թե ինչի հետ է կապված Դամասկոսի պաշտոնական դիրքրոշման փոփոխությունը, պարզ չէ, սակայն հայտնի է, որ ՄԱԿ դիտորդները այնտեղ հայտնաբերել են օդային ռմբակոծման հետքեր:
Տեղի բնակիչները վստահեցնում են, որ հուլիսի 12-ի առավոտյան քաղաքը ենթարկվել է ինտենսիվ ռմբակոծման, որից հետո քաղաք են մտել կառավարական զորքերեը և «Շաբիխիի» ջոկատները: Նրանք միասին սպանել են մոտ 200 մարդու:
