Քիչ առաջ աննախադեպ իրադարձություն է տեղի ունեցել Եգիպտոսի պետական հեռուստաալիքի ուղիղ եթերում: Այն սկսել է ցուցադրել հարյուր հազարանոց հանրահավաքը: Տեղեկացնենք, որ ընդամենը մի քանի ժամ առաջ այն տեղեկացնում էր Եգիպտոսի բնակչությանը, որ երկրում ոչինչ էլ տեղի չի ունենում, և ամեն ինչ վերահսկվում է:
Այս փոփոխությունը` պետական հեռուստատեսության եթերային քաղաքականության մեջ, վկայում է, որ լուրջ փոփոխություններ են տեղի ունենում:
Նույն ալիքը հաղորդում է, որ քիչ անց` Եգիպտոսի ժամանակով 22:00-ին, Երևանի ժամանակով 24:00-ին, Եգիպտոսի նախագահը հանդես է գալու հայտարարությամբ:
Բոլորն այս պահին հարց են տալիս. ո՞ւմ է թողնելու իշխանությունը Մուբարաքը, ինչպե՞ս կգործի բանակը, և արդյո՞ք կընդունի փողոցում հավաքված հանրահավաքը Սուլեյմանին իշխանությունը փոխանցելու հնարավոր տարբերակը:
