«Հարսնաքար» ռեստորանային համալիրի ձերբակալվածների թիվը կավելա: Այս մասին այսօր լրագրողների հետ ճեպազրույցում նշեց ՀՀ ոստիկանության պետ Վլադիմիր Գասպարյանը: «Մեկ կամ երկու ժամվա ընթացքում կձերբակալվի նաև յոթերորդ մարդը, քանի որ նրա ձերբակալումը հիմնավորված է: Ինձ ավելի շատ զարմացնում է կասկածը, որ գործը կարող է ուղղորդվել կամ այլ ընթացք ստանալ:
Զեկուցում եմ, որ ոստիկանությունն այս ամիսների ընթացքում իր գործունեությամբ ապացուցել է, որ հավատարիմ է իր կոչմանը»,-«Արմենպրես»-ի հաղորդմամբ` ասաց Գասպարյանը: Նա նշեց, որ «իրենք գնում են երևույթների և ոչ թե անձերի հետևից»: Ռուբեն Հայրապետյանն ընդամենը այդ համալիրի սեփականատերն է: Այս պարագայում սին եմ համարում խոսակցությունները սեփականատիրոջ մասին»,-նշեց ոստիկանապետը: Նա ընդգծեց, որ նախաքննությունը կորոշի մեղքի չափը:
