Այսօր Բաղդադում տեղի ունեցած երկու պայթյունների հետևանքով զոհերի թիվը հասել է 32-ի: CNN-ի տեղեկատվության համաձայն` տուժել է առնվազն 70 մարդ: Ավելի վաղ հաղորդվել էր 25 զոհերի մասին:
Հիշեցնենք, որ առաջին ահաբեկչությունը տեղի է ունեցել Շուլա շրջանում` ավտոբուսային կանգառից ոչ հեռու, որտեղ եղել են տասնյակ շիա ուխտագնացներ: Այս օրերին հարյուր հազարավոր շիա ուխտավորներ մասնակցում են կրոնական սգո արարողություններին՝ նվիրված 7-րդ իմամ Մուսա Ալ-Քազիմիին: Երկրի տարբեր քաղաքներից և աշխարհի տարբեր ծայրերից ուխտավորները գալիս են Բաղդադի 16-րդ դարի «Ոսկե մզկիթի» մոտ, որտեղ գտնվում է նրա դամբարանը: Այս ժամանակ Պայթյունի հետևանքով զոհվել էր առնվազն 14 մարդ:
Առաջին ահաբեկչությունից քիչ անց ևս մեկ պայթյուն է որոտացել Սանա հրապարակում, որի հետևանքով զոհվել է 18 մարդ: Երկու դեպքում էլ զոհվածների մեծ մասը շիաներ են:
