Անցած շաբաթ Morgan Stanley-ի գործադիր տնօրեն Ջեյմս Գորմանը բոլոր նրանց, ովքեր Facebook-ի բաժնետոմսեր էին գնել, անվանել էր «միամիտ»: Բայց այժմ պարզվում է, որ տուժել են ոչ միայն առանձին ներդրողները: Wall Street-ը նույնպես տուժել է:
CNNMoney-ն հաղորդում է, որ ավելի ուշ՝ ուրբաթ օրը շվեյցարական UBS բանկը հաստատել է, որ իրենք նույնպես գումար են կորցրել Facebook-ի բաժնետոմսերի վաճառքի պատճառով: Բանկը, սակայն, չի հայտնել, թե որքան գումար է կորցրել: Սակայն CNBC-ը հաշվարկում է, որ կորուստն, ամենայն հավանականությամբ, կազմել է 350 միլիոն դոլար:
