19:02 Ինտերնետում հայտնվել են նկարներ, որոնք վկայում են, որ զորքեր են մոտենում Թահրիր հրապարակին:
18:50 Թահրիրում լսվում են կրակոցներ, սակայն պարզ չէ, թե ովքեր են կրակողները:
18:41 Քիչ անց սպասվում է փոխնախագահ Օմար Սուլեյմանի հարցազրույցը:
18:09 Բախումները Թահրիրի մատույցներում շարունակվում են: Al-Jazeera-ի ուղիղ եթերում կարելի է տեսնել, թե ինչպես են Մուբարաքի հրաժարականը պահանջող ուժերը քայլ առ քայլ առաջ շարժվում: Եվ սա չնայած գործող վարչապետին այն հայտարարություններին, որ երեկվա դեպքերը չեն կրկնվի:
17:40 Եգիպտոսի վարչապետն ասել է, որ Եգիպտոսի նախագահ Հոսնի Մուբարաքի հրաժարականի վերաբերյալ պահանջներն անընդունելի են:
17:34 Այս պահին լրագրողների հետ է հանդիպում Եգիպտոսի վարչապետ Ահմեդ Շաֆիքը, որը հերթական անգամ ներողություն խնդրեց երեկվա դեպքերի համար, հայտնեց, որ այդպիսի դեպքեր այլևս չեն կրկնվի:
Սակայն վարչապետի հայտարարության պահին Մուբարաքին աջակցող ուժերը հարձակում են սկսել խաղաղ ցուցարարների վրա, որը կանխել են զինվորականները, որոնք տանկերը քշել են նրան ց ուղղությամբ: Reuters
17:14 BBC-ի հաղորդմամբ, եգիպտական բանակի զորամիավորումները, որոնք փակել են Թահրիր տանող մուտքերը, մի քանի անգամ հետ են մղել Մուբարաքի կողմնակիցների հարձակումները` թույլ չտալով բախումներ: Հեռուստաընկերության լրագրողը, որն աշխատում է այդ հրապարակում, հայտնել է, որ երեկ տանկերի փողերն ուղղված էին Մուբարաքի ընդդիմախոսների կողմը, հիմա դրանք ուղղված են Մուբարաքի կողմնակիցների ուղղությամբ, և դա կարող է խորհրդանշական լինել:
«Առաջին լրատվականն» արդեն տեղեկացրել էր, որ որոշ նշաններ կան, որոնք վկայում են բանակի` Մուբարաքի ընդդիմախոսներին աջակցելու մասին: Առավոտվանից նրանք փակել են հրապարակ տանող բոլոր մուտքերը, և չեն թույլատրում Մուբարաքի կողմնակիցներին մտնել Թահրիր:
Այս պահին հայտնի է, որ երկրի իշխանությունը բանակցություններ է վարում երկրի քաղաքական ուժերի ներկայացուցիչների հետ: Տեղեկություններ կան, որ Թահրիրում գտնվող որոշ ուժեր մասկացում են այդ հանդիպմանը և պատրաստ են նախնական քննարկումներ իրականացնել:
Սակայն «Մուսուլման եղբայրներ» կազմակերպությունը, ինչպես նաև ընդդիմության առանցքային դեմքերից Մուհամադ ԱԼ-Բարադեին հայտարարել են, որ չեն մասնակցում այդ բանակցություններին:
Ալ-Բարադեին նաև չի հերքել, որ կարող է առաջադրել իր թեկնածությունը հաջորդ նախագահական ընտրությունների ժամանակ, եթե դա պահանջեն քաղքացիները: Նա բրիտանական The Daily Telegraph-ին ասել է, որ պատրաստվում է ավելի ակտիվ դերակատարություն ստանձնել «անցումային փուլում»` Եգիպտոսի ժողովրդավարական ապագան ապահովելու համար:
Նպատակաուղղված պրոիշխանական ուժերը, ինչպես նաև քաղաքացիական հագուստով ոստիկանները հարձակումներ են գործում օտարերկրյա լրագրողների վրա: Քիչ առաջ BBC-ն հայտնել է, որ ծեծի են ենթարկվել լեհ լրագրողներ, նրանցից մի քանիսին ձերբակալել են: Ձերբակալությունից խուսափած լեհերը հայտնել են, որ իրենց բոլոր փաստաթղթերն առգրավել են, վերցրել են նաև տեխնիկան, ջարդել սարքավորումները: Ծեծի են ենթարկվել նաև թուրք լրագրողներ:
Al-Arabia-ն հայտնեց, որ Եգիպտոսի նորանշանակ վարչապետ Ահմեդ Շաֆիքը հայտարարել է, թե պատրաստ է գնալ Թահրիր հրապարակ և բանակցել ցուցարարների հետ:
