Ինչպես հաղորդում են համաշխարհային լրատվամիջոցները, այսօր եգիպտական բանտերից փախել են այդ երկրում արգելված «Մուսուլման եղբայրներ» կազմակերպության անդամները, որոնք Մուբարաքի իշխանության ժամանակ տարբեր տարիներին հայտնվել էին բանտերում: Նրանց հարազատները և մերձավորներն այսօր չեզոքացնելով բանտի աշխատակիցներին, ազատ են արձակել այդ կազմակերպության 34 անդամների:
Հայտնի է, որ նրանց հետ բանտերից փախել են մի քանի հազար բնատարկյալներ: Այս մասին հաղորդում է Reuters գործակալությունը: Այս միջադեպը տեղի է ունեցել Կահիրեից 120 կմ հեռավորության վրա գտնվող Վադի Ալ-Նաթրուն քաղաքի բանտում:
Associated Press գործակալության փոխանցմամբ, նմանատիպ դեպքեր տեղի են ունեցել նաև այլ բանտերում, որի հետևանքով ազատության մեջ են հայտնվել մի քանի հարյուր իսլամիստներ:
Եգիպոտսի պետական հեռուստատեսությունը քիչ առաջ հայտնել է, որ բանտեր են վերադարձվել ավելի քան 3,000 բանտարկյալներ: Բնակչությանը կոչ է արվել օգնել այս գործում: Հայտնի է, որ բանտարկայլների մեծ մասին չեզոքացրել և զինվորականներին են հանձնել ինքնապաշտպանության ժողովրդական կոմիտեները:
Ակնհայտ է, որ «Մուսուլման եղբայրների» անդամների ազատության մեջ հայտնվելը շատ կօգնի այս կազմակերպությանն ավելի ակտիվ գործելու:
Այսօր «Մուսուլման եղբայրները» և մյուս ընդիմադիր կազմակերպությունները որոշում են կայացրել նշանակել Մուհամադ Ալ-Բարադեին, որը մի քանի օր առաջ վերադարձել է Եգիպտոս` մասնացելու համար բողոքի ակցիաներին, գործող նախագահ Հոսնի Մուբարաքի հետ ընդդիմության բանակցող: Թե ինչպես կանցնեն այդ բանակցությունները, դեռ հայտնի չէ: Առհասարակ, տեղեկություններ չկան այդ բանակցությունների սկսելու մասին:
Նկարում «Մուսուլման եղբայրներ» կազմակերպության առաջնորդ Մուհամադ Մաջդի Աքիֆն է:
