Ներքին զորքերի անձնակազմի գծով հրամանատարի նախկին տեղակալ Արա Խուդավերդյանը «Առաջին լրատվական»-ի հետ զրույցում նշեց, որ ինքը ցավով է վերաբերվում բանակում տեղի ունեցող ողբերգական հետևանքներ ունեցող դեպքերին: «Պետք է բանակում լինեն զինվոր, սպա, սպայի կոչում, սպայի պատիվ հասկացությունները, որոնք կնպաստեն առողջ մթնոլորտի ձևավորմանը:
Պաշտպանության նախարարության առջև ծառացած շատ խնդիրներ կան: Աստված մի արասցե, վաղը եթե պատերազմ լինի, այն զինվորը, որը հալածվում էր բարձրաստիճան սպաների կողմից, առաջին զոհը դառնա մեկ այլ հայ զինվորի համար: Շատ սխալ եմ համարում և ցավով եմ նայում, որ բանակին 2008 թ. մարտի 1-ին ներքաշեցին քաղաքականության մեջ, որն ավարտվեց տխուր հետևանքներով»,- ասաց Արա Խուդավերդյանը:
