Հունաստանի վարչապետ Լուկաս Պապադիմոսն այսօր հրաժարական է ներկայացրել, որպեսզի խորհրդարանական ընտրություններից հետո հնարավորություն ստեղծվի ձևավորել երկրի նոր կառավարության կազմը: Այս մասին հայտնում է հունական պետական հեռուստաալիքը:
Խորհրդարանական արտահերթ ընտրություններում հաղթանակ է տարել աջ կենտրոնամետ «Նոր դեմոկրատիա» կուսակցությունը, որը խորհրդարանական 300 մանդատներից ստացել է 108-ը:
Պապադիմոսը` Եվրոպական կենտրոնական բանկի նախկին փոխնախագահը, վարչապետ էր նշանակվել 2011թ. նոյեմբերից իշխող կոալիցիայի անդամների կողմից:
Պապադիմոսը կարողացավ Հունաստանի տնտեսությունը կայունացնելու նպատակով ստանալ նոր` 170 մլրդ եվրո վարկային փաթեթը ԵՄ-ից ու ԱՄՀ-ից ու 100 մլրդ եվրո պետական պարտք դուրս գրվեց մասնավոր վարկատուների առաջ:
