«Մանչեսթեր Յունայթեդ»-ի գլխավոր մարզիչ Ալեքս Ֆերգյուսոնը հավատում է, որ իր թիմը դեռևս կարող է նվաճել Անգլիայի չեմպիոնի տիտղոսը: Այդ մասին նա լրագրողներին է հայտնել «Սուոնսի Սիթի»-ի հետ սեփական հարկի տակ անցկացրած հանդիպումից հետո:
Մրցաշրջանի ավարտից 1 տուր առաջ «կարմիր սատանաներ»-ը վաստակել են նույնքան միավոր, որքան «քաղաքայիններ»-ը: Թիմերն իրենց ակտիվում ունեն 86-ական միավոր, սակայն խփած և բաց թողնված գնդակների հարաբերակցությամբ «Մանչեսթեր Սիթի»-ին առաջատար է` +63՝ «Մանչեսթեր Յունայթեդ»-ի +55-ի դիմաց: Ազգային առաջնության վերջին տուրի շրջանակներում «քաղաքայիններ»-ն իրենց դաշտում կընդունեն «Քուինզ Փարկ Ռեյնջերս»-ին, իսկ «կարմիր սատանաներ»-ը կհյուրընկալվեն «Սանդերլենդ»-ին:
«Ֆուտբոլում երբեմն կատարվում են անհավանական իրադարձություններ: Անձամբ ես մի քանի անգամ այդպիսիք գրանցել եմ: Կարևոր է, որ կարողանանք «Սանդերլենդ»-ի հետ հանդիպմանը հաղթանակի հասնել, իսկ մնացածը հետո պարզ կդառնա: Հուսանք, որ «Քուինզ Փարկ Ռեյնջերս»-ին նույնպես միավորներ են հարկավոր: Տեսնենք, թե ինչով կավարտվի այս ամենը:
Ցանկանում եմ նշել, որ գոհ եմ այսօրվա հաղթանակից և իմ թիմի ցուցադրած խաղից: Ուրախ եմ, որ սաներս խանդավառություն էին ցուցաբերում, չնայած արդեն տեղեկացված էին «Մանչեսթեր Սիթի»-ի հաղթանակի մասին»,- նշել է մասնագետը:
