«Առաջին լրատվական»-ի հետ զրույցում թիվ 27-րդ ընտրատարածքում ՀԱԿ-ի թեկնածու Գուրգեն Եղիազարյանը, ամփոփելով քարոզարշավը, նշեց, որ ըստ հասած լուրերի՝ կաշառքները այսօրվանից արդեն մեծ թափով բաժանվում են, մինչդեռ իրենք ապացուցելու մեխանիզմներ չունեն. «Ինչ թափով որ բաժանում են կաշառքները, դրա դիմացն առնել ուղղակի հնարավոր չԷ: Դրա դեմն առնելու մեխանիզմը մեկն է, միայն որ ժողովուրդն ասի ոչ: Թեկուզ և վերցնի առաջարկված գումարը, բայց ոչ մի ձայն չտա նրան, ում կողմից բաժանվել է գումարը»:
Ապա` վերջինս հավաստիացրեց, որ ազատ և թափանցիկ ընտրություններ չի սպասում, քանի որ կեղծիքները շատ են. «Ես նման ընտրություններ չեմ սպասում, արդեն կեղծիքներն այնքան շատ են: Պատկերացնենք, որ այլևս ՀՀԿ-ն կեղծիքներ չանի, որին ես չեմ հավատում, մնացած երկրորդ մասն էլ ընտրատարածքներում անցնի նորմալ պայմաններում, դա ուղղակի փրկություն կարող է համարվել: Բայց չեմ հավատում նման բանի, քանի որ ՀՀԿ-ն իր ամբողջ ռեսուրսով 1-2 տոկոս ձայն հազիվ ունենա, բնական է, որ պետք է ամեն ինչ անեն, որպեսզի վերընտրվեն»:
Իսկ արդար ընտրություններ անցկացնելու համար վերջինս նշեց, որ իրենք պարտավոր են գնալ ժողովրդավարության ճանապարհով. «Դրա համար մենք մի ճանապարհ ունենք, մենք պարտավորված ենք իսկական ժողովրդավարության ճանապարհով գնալ և կարողանանք իրականացնել հիրավի արդար և թափանցիկ ընտրություններ: Հակառակ դեպքում շատ վատ բաներ կսպասեն Հայաստանին»:
«Արդեն երևում է, որ ամեն ինչ նույնն է, նույն ձեռագիրը, նույն պատմությունը: Հույսներս միայն հայ ժողովրդի վրա է, որ կբռունցքվի մի օր և այս զեղծարարներին կասի ոչ»,- եզրափակեց Գուրգեն Եղիազարյանը
