Սուպերհամակարգչի օգնությամբ հնարավոր կլինի Շտազիի փաստաթղթերի մասնատված հատածները մեկ վայրկյանում ամբողջացնել մեկ տեքստի մեջ: Գերմանիայի պետանվտանգության նախարարության արխիվի աշխատակիցներից մի քանի տասնամյակ կպահանջվեր միլիարդավոր հատվածերը միմյանց միացնելու համար:
Յուրաքանչյուր պարկում 5000 էջի 50 հազար մասնատված հատվածներ են՝ իսկական փազլ: Ամեն օր արխիվի աշխատակիցները ուսումնասիրում էին գաղտնի փաստաթղթերի հատվածները, փորձում միմյանց միացնել՝ քաջ գիտակցելով, որ այդ աշխատանքը ո՛չ սկիզբ ունի, ո՛չ վերջ:
Կարևոր փաստաթուղթը փորձում են վերականգնել արդեն 16 տարի: 12 մարդ փորձում է ամբողջացնել այն, ինչ ոչնչացրել է պետանվտանգության 12 հազար աշխատակից:
Նրանց հաջողվել է իրար միացնել 500 պարկերի պարունակությունը, մինչդեռ 15 500 պարկ դեռ կա: Գործն արդեն կշարունակի սուպերհամակարգիչը:
