Իրանական Asr Iran լրատու կայքի փոխանցմամբ, այս տարի, առաջին անգամ Իրանը չի հրավիրվել Դավոսի տարեկան խորհրդաժողովին:
2011-ի Դավոսի «Ընդհանուր արժեքներ, նոր իրականության համար» խորագրով խոհրդաժողովը հունվարի 26-ին մեկնարկել է Շվեյցարիայի Դավոս քաղաքում, որտեղ հրավիրված են ԱՄՆ-ը, Եվրոպայի ու մի շարք ասիական երկրներ, որոնք կարևոր դերակատարություն ունեն միջազգային տնտեսական ճգնաժամը կանխելու գործում:
Կայքի մատուցմամբ, ամեն տարի Դավոսի խորհրդաժողովի կազմակերպիչները հրավիրում էին նաև Իրանի բարձրաստիճան դիվանագետների, բայց այս տարի, խորհրդաժողովի կազմակերպիչները, պատճառաբանելով, որ Իրանը կարևոր դերակատարություն չունի միջազգային տնտեսության ու ճգնաժամը կասեցնելու ոլորտներում, Իրանից ոչ մեկի չեն հրավիրել Դավոս:
Նշենք, որ Պարսից ծոցում Իրանի բոլոր հարևանները մի քանի ներկայացուցիչ ունեն այս տարվա խորհրդաժողովում:
