Apple ընկերության փորձը չի բավարարում Mac համակարգիչներում վիրուսների դեմ պայքարելու համար: Ինչպես հայտնում է Вести.Ru-ն, այս մասին Forbes ամսագրին հայտնել է ռուսական Доктор Веб ընկերության տնօրեն Բորիս Շարովը: Վերջերս հենց այս ընկերությունն է առաջինը հայտնաբերել BackDoor.Flashback վիրուսը, որը ամբողջ աշխարում վարակել էր 600 հազար Mac համակարգիչների:
Երկար ժամանակ կարծիք կար, որ Mac-երը դիմացկուն են վիրուսների դեմ, սակայն պարզվել է, որ վնասակար ծրագրեր ստեղծողները պարզապես որոշ ժամանակ չեն հետաքրքրվել Mac OS– ով` վերջինիս քիչ տարածվածության պատճառով: Վերջին տարիներին Mac-երը սկսել են ավելի շատ վաճառվել, ինչի արդյունքում նրանց «իմունիտետն» այլևս չի աշխատում, պետք են պատվաստումներ և հաբեր:
Շարովի խոսքերով՝ իր ընկերությունը կապ է հաստատել Apple-ի հետ և նրան է փոխանցել Mac OS X- ի մասին իր մոտ եղած ողջ տեղեկատվությունը: Մի քանի օր անց նա Reggi.ru-ից տեղեկացել է, որ Apple-ը պահանջել է անջատել դոմեն անուններից մեկը, որտեղ տեղավորված է Mac համակարգերի հարյուր հազարավոր վարակված Flashback-երի կառավարման կենտրոնները:
Սակայն, ինչպես նշում է Շարովը, այս կառավարող սերվերն իրականում պատկանում է Доктору Веб-ին, որը միայն տեղեկատվություն է հավաքում և ոչ մի վնաս չի հասցնում:
Доктору Веб-ի ղեկավարը` իրենց սերվերը փակելու Apple-ի փորձը համարում է «իսկական սխալ», որը հնարավոր է փորձի պակասի հետևանք է, քանի որ Կուպերտինոն երբեք չի աշխատել այնպիսի մեծ բոտնետերի հետ, ինչպիսին Flashback-ն է:
