Իրանական Mehr News լրատվական գործակալության փոխանցմամբ՝ ԱՄՆ պետքարտուղար Հիլարի Քլինթոնը հայտարարել է, որ Իրանի միջուկային ծրագրի շուրջ Իրանի և «Վեցյակի» միջև բանակցությունների նոր փուլը տեղի է ունենալու ապրիլի 13-14-ը Ստամբուլում՝ ընդգծելով, որ դա Թեհրանի համար կլինի իր միջուկային ծրագրի ուժային կարգավորման տարբերակից խուսափելու վերջին հնարավորությունը:
Այս կապակցությամբ Իրանի Քաղաքական նպատակահարմարության խորհրդի անդամ Մոհսեն Ռեզաին հայտարարել է, որ իրենց համար ավելի նախընտրելի կլիներ այդ բանակցություններն անցկացնել ոչ թե Ստամբուլում, այլ՝ Բաղդադում, Բեյրութում կամ Դամասկոսում.
«Կապված նրա հետ, որ մեր բարեկամները Թուրքիայում ի վիճակի չեղան ի կատար ածել մի շարք համաձայնագրեր, ավելի լավ կլիներ, եթե Իրանի և «Վեցյակի» միջև բանակցություններն անցկացվեին բարեկամական այլ երկրում: Բանակցությունների անցկացման վայրի ընտրությունն ունի մեծ կարևորություն:
Ստամբուլի օգտին ընտրություն կատարելը կարող է հակառակ կողմի մոտ սխալ տպավորություն ստեղծել, թե Իրանը գտնվում է թույլ դիրքերում և ունի բանակցությունների անցկացման վայրի ընտրության միայն մեկ տարբերակ»:
