Վրաստանի ՆԱՏՕ-ին անդամակցության պետական կոմիտեն այսօր հաստատել է 2011-ի ազգային ծրագիրը, հաղորդում է newsgeorgia.ru կայքը: Ծրագրում ներառված են ինչպես ընթացիկ, այնպես էլ շատ մոտ ապագայում նախատեսված բարեփոխումներ` սկսած ոստիկանության ամրապնդումից ու սահմանների վերահսկողության բարձրացումից մինչև ժողովրդավարական ինստիտուտների բարեփոխումներով: Եվրաատլանտյան կառույցներին ինտեգրման նախարար Գեորգի Բարամիձեն հայտարարել է, որ բարեփոխումները ուղղված են ոչ միայն ՆԱՏՕ-ին ավելի հեշտ ինտեգրվելուն, այլ նաև ազգաբնակչության կենսամակարդակի բարձրացմանը, ժողովրդավարական պետության ստեղծմանն ու ազգային ինքնորոշումը պաշտպանելուն: Այժմ ընդունված ծրագիրն ուղարկվելու է ՆԱՏՕ-ի շտաբ-բնակարան համապատասխան գործողությունների իրականացման համար: Նշենք, որ Վրաստանում սա արդեն նման 3-րդ ծրագիրն է, իսկ նախորդ երկուսի կատարումը ՆԱՏՕ-ի բարձր գնահատականին է արժանացել: