Չնայած, որ շատ մարդիկ պնդում են, որ դպրոցական տարիներն իրենց կյանքում ամենաերջանիկն են եղել, այնուամենայնիվ, նոր հետազոտության արդյունքում պարզվելէ, որ մարդիկ ամենաուրախը լինում են 33 տարեկանում:
Daily Mail-ը գրում է, որ հարցմանը մասնակցած մինչև 40 տարեկան 10 մարդկանցից 7-ը պատասխանել են, որ իրենք ամենաուրախն են եղել 33 տարեկանում: Հարցումներն իրականացրել է Friends Reunited ինտերնետային կայքը:
Հարցման մասնակիցների ավելի քան կեսը` 53 տոկոսն ասել է, որ 33 տարեկանում կյանքն առավել զվարճալի է եղել, իսկ 42 տոկոսն ասել է, որ իրենք ավելի լավատեսորեն են նայել ապագային:
Ամեն երեք մասնակցից մեկն ասել է, որ ուրախության համար պատճառ է հանդիսացել երեխա ունենալը, մինչդեռ յուրաքանչյուր հինգից մեկը նշել է հաջողությունն աշխատանքում:
Հարցման մասնակիցների միայն 6 տոկոսն է ասել է, որ իրենք առավել ուրախ են եղել համալսարանում սովորելիս, մինչդեռ 16 տոկոսն ասել է, որ իրենք առավել ուրախ են եղել մանկության տարիներին:
Հոգեբան Դոնա Դաուսոնն ասել է, որ 33–ը մի տարիք է, երբ դուրս ես եկել մանկության միամտությունից ու դեռահասության խենթությունից, բայց դեռևս չես կորցրել երիտասարդության էներգիան ու խանդավառությունը:
