Ուկրաինայի պետանվտանգության էքս-մայոր Նիկոլայ Մելնիչենկոն, որը մեղադրվում է պետական գաղտնիքի հրապարակման, փաստաթղթերի կեղծան ու ծառայողական պարտականությունները գերազանցելու մեջ, և որի նկատմամբ հայտարարվել էր հետախուզում, հայտարարել է, որ գտնվում է ԱՄՆ-ում: Այս մասին հայտնում է Interfax գործակալությունը` հղում անելով ուկրաինական Сегодня թերթին:
Մելնիչենկոն, իր իսկ խոսքով, գտնվում է Վեսթֆիլդ քաղաքում` Նյու Ջերսի նահանգում` իր ընկեր Իվան Մոկրիրցկու մոտ և «ոք ոքից չի թաքնվում»:
«Ես առաջարկել էի տալ վկայություն, օրինակ` սկայպով կամ հանդիպել արտերկրում ուկրաինացի քննիչների հետ, բայց իմ պայմանները չեն ընդունվում: Բացի այդ` վերջին կես տարում ես երկու անգամ այցելել եմ Ուկրաինա»,- ասել է Կուչմայի նախկին անվտանգության աշխատակիցը` նշելով, որ «օրենք հարգող ցանկացած երկիր» հասկանում է, որ իրեն ձերբակալելու հիմքեր չկան, ինչը նշանակում է` իրեն Ուկրաինային հանձնելու հիմքեր չկան:
Բացի այդ` Մելնիչենկոն հաղորդել է, որ Փարիզում հանդիպել է Ուկրաինայի գլխավոր դատախազության բարձրաստիճան պաշտոնյաների հետ ու փոխանցել է նրանց նյութեր, որոնք «կարող են քրեական գործի հարուցման պատճառ դառնալ ուկրաինացի հայտնի քաղաքական գործչի նկատմամբ, որը կապ է ունեցել Գոնգաձեի սպանությանը»:
Ուկրաինայի գլխավոր դատախազությունը չի մեկնաբանել էքս մայորի հայտարարությունը:
Ավելի վաղ հաղորդվում էր, որ Ուկրաինայի անվտանգության ծառայությունը կասեցրել է Մելնիչենկոյի նկատմամբ քրեական գործի հետաքննությունը, քանի որ նրա գտնվելու վայրը հայտնի չէ:
