Սոցիոլոգ Ահարոն Ադիբեկյանը լիովին հնարավոր է համարում, որ առաջիկա խորհրդարանական ընտրություններում ՀՀԿ-ն 35 և ավել տոկոս ձայներ հավաքի: Այս մասին նա ասաց «Առաջին լրատվական»-ի հետ զրույցում՝ անդրադառնալով թերթերից մեկի այն հրապարակմանը, որի համաձայն ՀՀԿ նախընտրական շտաբի պետ Հովիկ Աբրահամյանը խոստացել է, որ իր գործունեության արդյունքում ՀՀԿ համամասնական ցուցակը կստանա 35 տոկոս ձայն:
«Հովիկ Աբրահամյանն իրենց նույնիսկ մի քիչ համեստ է ներկայացնում: Դա նվազագույն շեմն է, որ կա այսօր: Կարծում եմ՝ ապահովագրում է իրենց: Չի բացառվում, որ ՀՀԿ-ն նույնիսկ 40 տոկոս ունենա: Մեր տվյալներով՝ այն 40 տոկոսը, որն արդեն որոշում է կայացրել, իր ձայնը տալու է ՀՀԿ-ին: Բայց, նրանց զուգահեռ, կան 20 տոկոս չկողմնորոշվածներ: Կախված նրանից՝ ում կորոշեն ձայն տալ այդ մարդիկ, ՀՀԿ-ի 40 տոկոսը կամ կնվազի 35-ի կամ կաճի»,- ասաց սոցիոլոգը:
