Facebook ընկերությունը զգուշացնում է գործատուներին չպահանջել իրենց աշխատակիցների գաղտնաբառերը, որոնք վերջիններս օգտագործում են սոցիալական ցանց մուտք գործելու համար:
Ընկերության գաղտնիության հարցերով զբաղվող աշխատակից Էրին Էգանն ասել է, որ եթե անձը համարվում է Facebook սոցիալական ցանցի օգտատեր, ապա երբեք պետք է ստիպված չլինի որևէ մեկին հայտնել իր գաղտնաբառը:
Ընկերությունն ասել է, որ անգամ պատրաստ է դատական հայց ներկայացնել այն գործատուների դեմ, որոնք խախտում են իրենց աշխատակիցների գաղտնիություն պահելու իրավունքը: Էրինն ասել է, որ սոցիալական ցանցի հիմնադիրները չափազանց շատ են աշխատել, որպեսզի կարողանան ստեղծել միջոցներ, որոնք թույլ կտան օգտատերերին որոշել, թե ով իրավունք ունի տեսնել սոցիալական ցանցում իրենց կողմից տեղադրած նյութերը, և այդ պատճառով թույլ չեն տա, որ գործատուներն իրենց աշխատողներից պահանջեն սոցիալական ցանցի գաղտնաբառերը:
