«Կոկա-Կոլա Ընկերությունը» հանդես է եկել հայտարարությամբ`շեշտելով, որ «մեր ըմպելիքները միշտ եղել և մնում են բացարձակ անվտանգ»:
«Վերջին շրջանում զանգվածային լրատվամիջոցներում ավելի հաճախ է սկսել տեղ գտնել «Կոկա-Կոլա Ընկերության» ըմպելիքների, մեր գաղտնի բանաձևի և կարամելի վերաբերյալ ոչ ճշգրիտ տեղեկատվության լուսաբանումը: Ցանկանում ենք պարզություն մտցնել այս հարցում:
Մեր ապրանքատեսակներում առկա կարամել գունանյութը եղել է, կա և կլինի անվտանգ բաղադրիչ:
Մեր բոլոր արտադրատեսակները լիովին անվտանգ են և համապատասխանում են այն բոլոր երկրների անվտանգության պահանջներին, որտեղ մենք աշխատում ենք: Ամբողջ աշխարհում կարգավորող մարմինները հավանություն են տվել մեր արտադրատեսակներում օգտագործվող կարամելին:
Սննդի անվտանգության և որակի մասով «Կոկա-Կոլա Ընկերությունը» ստանձնել է անզիջում հանձնառություն` արդեն 125 տարի է, ինչ «Կոկա-Կոլա Ընկերության», քաղաքականությունն է արտադրել անվտանգ և որակյալ արտադրանք, որը և արժանացել է սպառողի վստահությանը:
Մեր արտադրանքում օգտագործվող բոլոր բաղադրիչները` կարամելը ներառյալ, բացարձակ անվտանգ են, անկախ այն բանից, թե դրանք արտադրվել են վերջերս Կալիֆորնիայում տրված գնահատականից առաջ, թե հետո: Բոլոր բաղադրիչները անվտանգության ստուգում են անցել այնպիսի կարգավորող և միջազգային կազմակերպությունների կողմից, ինչպիսիք են, ԱՄՆ սննդի և դեղորայքի որակի ստուգման վարչությունը, Եվրոպայի սննդամթերքի անվտանգության հանձնաժողովը, Ավստրալիայի և Նոր Զելանդիայի սննդամթերքի որակի ստանդարտների մշակման կազմակերպութունը, ՄԱԿ-ի Առողջապահության համաշխարհային կազմակերպության և Համաշխարհային պարենի ծրագրի սննդային հավելումների գծով համատեղ հանձնաժողովը և այլն:
Այսպիսով, մեր արտադրանքի բոլոր բաղադրիչները հավանության են արժանացել և համապատասխանում են այն երկրների ստանդարտներին, որտեղ դրանք արտադրվում և իրացվում են:
Մեր ապրանքատեսակներում օգտագործվող կարամելը եղել է, կա և կլինի անվտանգ բաղադրիչ: Դա անհերքելի փաստ է:
Կարամելը սննդային ամենահին բնական նյութերից է. այն լայնորեն օգտագործվում է ըմպելիքներում և տարբեր սննդատեսակներում, այդ թվում` թխվածքներում, հացում, հացամթերքում, նախաճաշի շիլաներում, շոկոլադներում, հրուշակեղենում, դեսերտային խառնուրդներում, պաղպաղակներում, սոուսներում, երշիկեղենում, քաղցրեղենում, ալկոհոլային ըմպելիքներում և քացախում:
Բարդացված 4-մեթիլմիդազոլը (4-MEI or 4-MI), որի մասին այժմ քննարկում է ծավալվում, այն նյութն է, որն առաջանում է որոշակի սննդամթերքի ջերմային մշակման, խորովելու և եփելու ժամանակ, և ըստ էության, հանդիպում է ամենուր՝ համարյա ամեն տեսակի սննդի և ըմպելիքների մեջ: 2011 թ. մարտին Եվրոպայի սննդամթերքի անվտանգության հանձնաժողովը մեկ անգամ ևս հաստատեց մեր կողմից նախկինում օգտագործվող կարամելի անվտանգությունը և հաստատեց, որ 4-MEI մակարդակը կարամել պարունակող մեր ապրանքատեսակներում անվտանգ է:
«Կոկա-Կոլա Ընկերությունը» համաձայն չէ Կալիֆորնիա նահանգի այն որոշման հետ, ըստ որի 4-MEI պարունակող որոշակի սննդամթերքների վրա անհրաժեշտ է նախազգուշական մակնշում կատարել:
Գիտնականները ևս չեն աջակցում ԱՄՆ-ի միայն մեկ նահանգի այս պահանջին: Ինչպես Կալիֆորնիայում, այնպես էլ այլուր, առողջության համար վտանգներ գոյություն չունեն:
Ընկերությունը խնդրել է կարամել արտադրող իր մատակարարներին արտադրական գործընթացներում համապատասխան փոփոխություններ կատարել ըստ Կալիֆորնիա նահանգի 65-րդ օրենսդրական փոփոխության պահանջների: Դա արվել է ապրանքատեսակները առանց անհրաժեշտության նախազգուշացնող մակնշմամբ չմակնշելու նպատակով: Չնայած նրան, որ առողջության համար երբևէ վտանգ չի եղել և չկա, այնուամենայնիվ, մենք խնդրել ենք մեր մատակարարներին փոփոխել արտադրական գործընթացը և ոչ թե արտադրվող նյութը:
Մենք կշարունակենք պայքարել Կալիֆորնիայում տրված գնահատականի դեմ, քանի որ այն գիտականորեն հիմնավորված չէ, և դրա արդյունքում մենք կարող ենք կորցնել մեր սպառողների վստահությունը: Նմանատիպ պահանջները կարող են անհիմն շփոթմունքի պատճառ դառնալ և հիմք հանդիսանալ այն սխալ պատկերացման, թե մինչև կարամելի արտադրման արտադրական գործընթացների փոփոխությունը, մեր ապրանքատեսակները անվտանգ չէին: Մենք դեմ ենք այս գնահատականին նաև այն պատճառով, որ ցանկացած հասարակական քաղաքականություն պետք է գիտականորեն հիմնավորված լինի, քանի որ հենց այդ սկզբունքով են աշխատում ԱՄՆ-ի սննդի և դեղորայքի որակի ստուգման վարչությունը և այլ կարգավորիչ մարմինները:
Այսպիսով, մենք մեկ անգամ ևս շեշտում ենք այն փաստը, որ մեր ըմպելիքները միշտ եղել և մնում են բացարձակ անվտանգ», – ասված է հայտարարության մեջ:
