Բիլբաոյի «Ատլետիկ»-ի գլխավոր մարզիչ Մարսելո Բիելսան երկու անգամ հրաժարվել է բանակցություններ վարել «Չելսի»-ի սեփականատեր Ռոման Աբրամովիչի ներկայացուցիչների հետ: Լոնդոնցիներն արգենտինացի մասնագետին առաջարկել են գլխավորել «Չելսի»-ն.
Ինչպես հայտնում է Mirror-ը, 56-ամյա մասնագետը հայտարարել է, որ չի շփվի այն մարդկանց հետ, ովքեր ներկայացնում են այլ ակումբ: Պորտուգալացի Անդրե Վիլլաշ-Բոաշին իր զբաղեցրած պաշտոնից հեռացնելուց հետո «Չելսի»-ի գլխավոր մարզչի պաշտոնում էին տեսնում նաև Խոսեպ Գվարդիոլային, Ժոզե Մոուրինյոյին և Ռաֆայել Բենիտեսին:
Հիշեցնենք, որ բասկյան ակումբը զբաղեցնում է Լա Լիգայի մրցաշարային աղյուսակի 6-րդ հորիզոնականը, դուրս է եկել Իսպանիայի Գավաթի խաղարկության եզրափակիչ, Եվրոպայի Լիգայի գավաթի խաղարկության 1/8 եզրափակիչի առաջին խաղում «Օլդ Թրաֆֆորդ» մարզադաշտում 2։3 հաշվով պարտության է մատնել «Մանչեսթեր Յունայթեդ»-ին։
