Աշխարհի խոշորագույն Facebook սոցիալական կայքը, որը պատրաստվում է բաժնետոմսերը տեղադրել բորսայում (IPO), կրկնապատկել է իր վարկային գիծը` այն հասցնելով 5 միլիարդ դոլարի:
Facebook-ի վարկային գիծը 2011 թ. 1.5 միլիարդից հասցվել էր 2.5 միլիարդ դոլարի: Սոցիալական կայքի տեղեկատվության համաձայն՝ վարկը կիրառվելու է «ընդհանուր կորպորատիվ նպատակների համար»:
Բացի այդ, Facebook-ը պայմանավորվել է հավելյալ 3 միլիարդ դոլար վարկավորման համար` հարկային պարտավորությունները փակելու համար բորսա դուրս գալուց հետո:
Ըստ նոր հայտի տվյալների՝ Facebook-ը IPO–ի անցկացման համար 25 ներդրող բանկերի և կազմակերպությունների է ներգրավել:
Facebook-ը IPO-ի հայտ է ներկայացրել փետրվարին: Վերլուծաբանները կարծում են, որ սոցիալական կայքը IPO-ի ընթացքում կգնահատվի 80-100 միլիարդ դոլար:
