Apple ընկերությունը պատրաստվում է գործարկել երրորդ սերնդի iPad-ը, որի շնորհանդեսը պետք է տեղի ունենա այսօր Սան Ֆրանցիսկոյում կայանալիք մամլո ասուլիսում:
Նոր պլանշետային համակարգիչը, ինչպես և իր նախորդները, պետք է նոր նշաձող հանդիսանա բջջային սարքերի շուկայի համար: Ամենագլխավոր նորարարությունը անսովոր բարձր խտության էկրանն է:
Ենթադրվում է, որ պլանշետը պետք է ունենա 2048×1536 թույլատվությամբ դիսփլեյ, որը չորս անգամ կգերազանցի գոյություն ունեցող iPad-ը: Ընդ որում` 9.7 դյույմանոց էկրանի չափերը չեն փոփոխվել:
Այս եղանակով նոր iPad-ը կդառնա բջջային սարքերի առաջնորդը պատկերի հստակության առումով:
iPad-ի թույլատվությունը կլինի զգալիորեն բարձր, քան ցանկացած նոութբուքինը, որը ունի նմանատիպ անկյունագիծ: Կոմպակտ նոութբուքերի էկրանները, որպես օրենք, ունեն 1366×768 կետերի թույլատվություն:
Ենթադրվում է, որ նոր iPad-ի հետ կցուցադրվի նաև iOS 5.1 գործառնական համակարգի նոր վարկածը, որի հիմքի վրա են աշխատում նաև Apple-ի բջջային սարքերը:
Այս շաբաթվա ընթացքում լուրեր շրջանառվեցին, որ նոր iPad-ի գինը կարող է բարձր լինել, սակայն ընկերությունն արդեն հերքել է լուրերը:
