РИА Новости-ի փոխանցմամբ՝ Ռուսաստանի փոխարտգործնախարար Սերգեյ Ռյաբկովն այսօր հայտարարել է, որ Ռուսաստանը պատրաստ է քննարկել Իրանի հանդեպ միակողմանիորեն սահմանված պատժամիջոցների հարցը, եթե Իրանն իր միջուկային ծրագիրը դնի ԱԷՄԳ-ի մասնագետների վերահսկողության ներքո:
Ռյաբկովը հիշեցրել է նախընտրական կամպանիայի ժամանակ վարչապետ Վլադիմիր Պուտինի գրած հոդվածը, որում ասվում էր, որ միջազգային հանրությունը կարող է ճանաչել Իրանի կողմից ուրանի հարստացման աշխատանքները, ինչը պետք է արվի ԱԷՄԳ-ի վերահսկողության պայմաններում:
Ռյաբկյովը հավելել է, որ եթե Իրանը համաձայնի այս առաջարկին, ապա միջազգային հանրությունը կարող է վերացնել նրա դեմ սահմանած պատժամիջոցները, այդ թվում՝ նաև միակողմանիորեն սահմանած պատժամիջոցները:
Հիշեցնենք, որ Վլադիմիր Պուտինն օրեր առաջ հայտարարեց, թե Ռուսաստանը բոլոր ջանքերը գործադրում է Իրանի դեմ պատերազմը կանխելու համար: Նա հավելել էր, թե Ռուսաստանը շահագրգռված չէ, որ Իրանը դառնա միջուկային երկիր:
