ԵՄ–ն նոր պատժամիջոցներ կկիրառի Բելառուսի դեմ: Բրյուսելում տեղի ունեցած գագաթնաժողովի ժամանակ ԵՄ նախագահ Վան Ռոմպեյը հայտարարել է, որ ԵՄ արտգործնախարարներին հանձնարարել է նոր մեթոդներ մշակել Լուկաշենկոյի վարչակարգի առանցքային դեմքերի դեմ, ովքեր օգուտներ են ստացել այդ վարչակարգից կամ հովանավորել են այն:
Ինչպես հայտնում է ИТАР-ТАСС գործակալությունը, ԵՄ–ն մտահոգված է Բելառուսում տիրող իրավիճակից և պատրաստ է ամեն ինչ անել մարդու իրավունքների խախտումները դադարեցնելու համար:
ԵՄ Խորհրդի նոր գագաթնաժողովը կգումարվի մարտի 26-ին՝ Բրյուսելում, որի ժամանակ նախատեսվում է դիտարկել պատժամիջոցների նոր փաթեթ:
ԵՄ Խորհուրդը փերտրվարի 27-ին «սև ցուցակի » մեջ էր ներառել ևս 19 բելառուս դատավորների և ուժային կառույցների 2 աշխատակիցների: Այսպիսով, «սև ցուցակի» մեջ հայտնված բելառուս գործիչների թիվը հասնում է 231-ի, ովքեր իրավունք չունեն մտնել Եվրամիության երկրներ, իսկ եթե հաշիվներ ունեն այնտեղի բանկերում, ապա դրանք կսառեցվեն:
Սկզբնական շրջանում ԵՄ Խորհուրդը որոշել էր «սև ցուցակի» մեջ գցել ոչ թե 21, այլ 30 անձանց, այդ թվում՝ Լուկաշենկոյի մտերիմ գործարարներից մի քանիսին:
Չի բացառվում, որ մարտի 26-ին կհնչեն այն ինը անձանց ազգանունները, ովքեր չէին մտել «սև ցուցակի» մեջ:
