Այն, ինչ տարիներ շարունակ պնդում էին երգահանները, այժմ գիտնականներն են հաստատում՝ համաձայնելով, որ սերը իսկապես կարող է վնասել առողջությունը: Այդուհանդերձ, ոչ ոք չի պնդում, որ, ասենք, սովորական Պարացետամոլի մեկ հաբը կարող է մեղմել «կոտրված սրտի» ցավը:
Վերջերս նյարդաբանների կատարած հետազոտությամբ պարզվել է, որ զգացմունքային ցավը ընթանում է ուղեղի այն նույն տարածքում, որտեղ և ֆիզիկականը: Նրանք նաև հայտնաբերել են, որ վիրավորված զգացմունքներին, ինչպիսիք են, օրինակ, զուգընկերոջ կողմից լքված կամ սոցիալապես մերժված լինելը, կարող են հակազդել ցավազրկողները:
Մերժումը ահռելի փորձ է մարդկանց համար: Օրինակ՝ եթե որևէ մեկին խնդրես վերհիշել ինչ-որ բացասական փորձ, նա միանգամից կհիշի մերժումը: Սա տրամաբանական է դառնում, եթե հաշվի է առնվում այն փաստարկը, որ ֆիզիկական և հոգեկան ցավի համակարգերը համընկնում են ուղեղի վրա, որքան էլ դժվար է դա պատկերացնել:
Մինչ հետազոտողները փորձում են ծանր կորուստների դեպքում բուժում գտնել, դոկտոր Էյնշբերգերը խորհուրդ է տալիս բացասական էմոցիաների դրսևորման դեպքում ցավազրկողներ ընդունել: Նա նաև համոզված է, որ զգացմունքային ցավը առողջարար ռեակցիա է առաջացնում, որը ստիպում է չկրկնել նույն վարքագիծը:
