Google ընկերությունը իր գաղտնիության քաղաքականության փոփոխության մասին հայտնելով՝ տարակուսանքի տեղիք տվեց։ Այժմ ընկերությունը մի քանի պարզաբանումներ է առաջարկում դրա վերաբերյալ՝ փորձելով բացատրել, թե դա ինչ է նշանակում:
Ինչպես գրում է Daily Tech-ը, ընկերությունը մասնավորապես ցանկանում է, որ օգտատերերի համար պարզ լինի, որ իրենք փոխում են գաղտնիության քաղաքականությունը, այլ ոչ թե գաղտնիության ղեկավարումը, որը հասանելի է օգտատերերին: Սա ամենակարևոր բանն է, որ օգտատերերը պետք է հիշեն:
Ընկերությունը նաև պատրաստվում է գաղտնիության քաղաքականության դրույթները մի ամբողջական փաստաթղթի տեսքով հրապարակել մարտի 1–ին:
Google-ն ասում է, որ փոփոխության համար երկու պատճառ է եղել: Առաջինը՝ որ այս կերպ ընկերությունը փորձել է գաղտնիության քաղաքականությունն ավելի հասկանալի դարձնել օգտատերերի համար: Իսկ երկրորդ պատճառն այն է, որ այս կերպ ընկերության համար առավել հեշտ կլինի օգտատերերի տեղեկությունները միանգամից հասանելի դարձնել մի քանի ծառայությունների համար:
