Ընկերություններն այսօր ասել են, որ Starbucks-ը նպատակ ունի մինչև այս տարվա վերջը Tata Global Beverages ընկերության հետ համատեղ Հնդկաստանում 50 խանութ բացել:
Tata Starbucks կոչվող նրանց համատեղ ձեռնարկությունը հույս ունի այս նախաձեռնության միջոցով մեծ գումարներ աշխատել:
Tata Global Beverages-ի փոխտնօրենն ասել է, որ իրենք տեսնում են, թե ինչպես են փոխվում կենսակերպերը: Նա ավելացրել է, որ զարգացող երկրի և զարգացած երկրի միջև տարբերություններն ինչ–որ չափով խամրում են:
Associated Press-ը հաղորդում է, որ ընկերությունները նախնական 80 միլիոն դոլար կներդնեն, որը կօգտագործվի առաջին խանութի բացման համար: Այն կբացվի սեպտեմբերին:
