Այսօր Կենտրոն և Նորք Մարաշ վարչական շրջանների ընդհանուր իրավասության դատարանում (Թբիլիսյան խճուղի) նախագահությամբ Ա. Սուքոյանի, հրապարակեց «Գլենդել Հիլզ»-ն ընդդեմ Ժամանակի գործով վճիռը: Դատարանը մասնակի բավարարեց հայցվորի պահանջը, ըստ որի` պատասխանողից հայցվորը պահանջում էր հերքել ընկերության գործարար համբավը արատավորող տեղեկությունները և վճարել 2.5 միլիոն դրամ, որից 2 միլիոնը զրպարտության համար, 500 հազարը փաստաբանի մատուցած ծառայությունների փոխհատուցում:
Դատարանը բավարարեց ընդամնեը 500 հազարի չափով, որից 200 հազարը զրպարտության համար, 300 հազարը փաստաբանին տրվող փոխհատուցում: Դատարանը միաժամանակ պարտավորեցրեց թերթին հերքում տպագրել:
«Ժամանակ» օրաթերթի հիմնադիր «Սկիզբ Մեդիա» կենտրոն ՍՊԸ-ն բողոքարկելու է դատական ակտը Վերաքննիչ ատյանում:
