Թուրքմենստանի կապի նախարարության դեկտեմբերի 21-ի հրամանով դադարեցվում են ռուսական МТС հեռահաղորդակցության օպերատորի աշխատանքները, որն այդ երկրում ներկայացված է Barash Communications Technologies Inc. «դուստր» ձեռնարկությամբ: Թուրքմենական իշխանություններ պահանջել են տասնօրյա ժամկետում դադարեցնել ընկերության գործունեությունն ամբողջությամբ, այդ թվում` սարքավորումների հանելու, բաժանորդների հետ պայմանագրերի խզման և պարտք ու պահանջի լուծմամբ:
Ռուսական կողմին խզման պատճառները հայտնի չեն: Մի քանի անգամ դիմելով` իշխանություններ ոչ մի պատասխան չեն ստացել: Այս մասին հաղորդում է vesti.ru-ն:
Սակայն այլ կայքերից տեղեկանում ենք (vedomosti.ru), որ Թուրքմենստանի կապի նախարարությունն առաջարկել է МТС-ին վաճառել իր բաժնետոմսերը նախարարության կառավարման տակ գտնվող ընկերություններից մեկին, սակայն ռուսները հրաժարվել են: Բացի այդ, հայտնի է, որ թուրքմենական իշխանությունը փորձում է դրանով մենաշնորհ հաստատաել շուկայում, քանի որ հայտնի է դարձել, որ իշխանություններին պատկանող և Բրյուսելում գրանցված մի ընկերություն արդեն գնել է МТС-ի մրցակից «Ալթըն Ասիռին» (թուքմեներենից թարքմանաբար նշակնակում է «Ոսկե դար»):
Սրա արդյունքում Թուրքմենիայի 2 միլիոն բնակչությունը մնացել է առանց կապի (ընդհանուր բնակչությունը կազմում է 5 միլիոն): Թուրքմենական պետական օպերատոր «Ալթըն Ասիռն» ի զորու չէ կոնպենսացնել МТС-ի կորցրած բաժանորդների պահանջարկը, քանի որ այդ ընկերությունն ապահովում է կապի ընդամենը 15%-ը:
МТС-ի բաժանորները, սակայն, չեն շտապում հրաժարվել իրենց բաժանորդագրություններից, քանի որ չեն կարողանում համակերպվել այն մտքի հետ, որ МТС-ը թողնում է շուկան, քանի որ մյուս օպերատորն էլ չունի բոլոր բաժանորդներին ընդունելու հնարավորություն:
Արդեն իսկ նկատվել են հաղորդիչների անօրինական ապամոնտաժման դեպքեր: Ընկերությունը դիմել է ոստիկանություն, սակայն որևէ փոփոխություն դրանից հետո չի նկատվել: Ընկերության գործունեության դադարեցման հետևանքով ընդհանուր վնասը կազմում է 600 միլիոն դոլար:
Ըստ МТС-ի տնօրենի` իրանք ցանկանում են կառուցողական երկխոսության մեջ մտնել իշխանությունների հետ և հասնել շոշափելի արդյունքների: МТС-ն արդեն հայց է ներկայացրել Ժնևում գտնվող Միջազգային արբիտրաժային դատարան և դատի է տվել Թուրքմենստանի կապի նախարարությանը, «Թուրքմենտելեկոմին» և «Ալթըն-Ասիռին»` նրանց հակաօրինական գործողությունների համար: