Մեծ Բրիտանիայի ֆինանսների նախարար Ջորջ Օսբորնը զգուշացնում է, որ Շոտլանդիան ծանր ֆինանսական դրության մեջ կհայտնվի, եթե առանձնանա Միացյալ Թագավորությունից:
Ինչպես հաղորդում է BBC-ն, հեռուստահարցազրույցում նա տարակուսանք է հայտնել, թե անկախ Շոտլանդիան կլինի նույնքան «ծաղկուն», որքան այժմ է:
Օսբորնը հրաժարվել է պատասխանել այն հարցին՝ կթույլատրվի՞ արդյոք Շոտլանդիային որպես դրամական միավոր պահպանել ֆունտը:
Էդինբուրգի իշխանությունները ավելի վաղ հայտարարել էին, որ կցանկանային Մեծ Բրիտանիայից անջատվելու հանրաքվե անցկացնել մինչև 2014 թ. աշունը:
