Բարձրագույն կրթությունը` մրցունակության համատեքստում

«Շատերն են խոսում մրցունակության համատեքստում բարձրագույն կրթության կարևորության մասին: Սա ինձ հայտնի առաջին աշխատանքն է, որում, խոսքերից զատ, կա նաև վերլուծություն, ձևավորված ռազմավարություն և իրականում կատարած աշխատանք»,- այսօր «Հայաստանի ազգային մրցունակության զեկույց 2010»-ի շնորհանդեսի ժամանակ ասաց ՀՀ կրթության և գիտության նախարար Արմեն Աշոտյանը: «Շատ ուրախալի է, որ բարձրագույն կրթությունը չի դիտվել որպես գործունեության առանձին տարատեսակ, այլ պարփակված է և դիտվում է մրցունակության համատեքստում: Մյուս կողմից՝ ուրախալի է նաև այն հանգամանքը, որ զեկույցի հեղինակները չեն անտեսել բարձրագույն կրթության սոցիալական ֆունկցիան, սոցիալական դերը, և այս զեկույցը պատրաստված չէ` բարձրագույն կրթությունը դիտարկելով լոկ որպես գործարան, որտեղից պետք է արտադրվի գիտելիքով զինված անհատը: Այդ անհատը պետք է լինի նաև արժեքներ կրող մարդ և քաղաքացի»,- ասաց Ա. Աշոտյանը: